Նախադպրոցական հաստատությունների հեռավար-առցանց  վերապատրաստման լուսաբանում ։ 

Մարտի 16
Մարտի16, երկուշաբթի, ժամը՝ 10։00-նախադպրոցական հաստատությունների հեռավար-առցանց վերապատրաստում։ Երկու մասնակից Արագածոտնի մարզից՝ Նորաշենի «Վելիխան Մուքոյանի» անվան մանկապարտեզի դաստիարակներ՝ Մերրի Պետրոսյան և Հայարփի Քերոբյան։ Կապ հաստատեցինք Վայբերի խմբակային տեսազանգի միջոցով։ Ներկայացա, ներկայացրեցի կրթահամալիրի մասնաճյուղերը, կայքերը, ենթակայքերը։
Առաջին օրվա ծրագրերը կարդացինք, միասին քննարկեցինք, և ուղարկեցի հարցման թերթիկը, որը կլրացնեն և կուղարկեն։
Նաև կազմակերպեցինք ընտանեկան առցանց նախագծեր, քանի որ ցանկություն ունեին առցանց ծրագրով աշխատել իրենց ծնողների հետ։ Օրվա վերջում կսպասենք ծնողների նյութերին, պատումներին։
Աշխատել եմ ժամը 10։00-12։00-ը տեսակապի միջոցով, իսկ 12։00-13։00-ը՝ նամակագրությամբ։
Օրվա վերջում կհրապարակեմ հարցերը և պատասխանները։
Մարտի 17
Մարտի 17, երեքշաբթի, ժամը՝ 14։00-նախադպրոցական դաստիարակների հեռավար-առցանց վերապատրաստման երկրորդ օր։
Պատասխանեցի առաջին օրվա հարցաթերթիկի հարցերին։ Ներկայացրի տարատարիք սաներով գործունեության առավելությունները, մահճակալների բացակայության նպատակները, ինչպես է մեր ննջարանը վերածվում մարզական հարթակի, խոսեցինք սաների ինքնուրույնության, ընտանիք-ծնող ամուր կապի մասին, ինչպես հանդեսները վերածել ծեսի և ուսուցանել կյանքով, առանց որևէ պարտադրանքի, որը բերում է միայն իմացումի հրճվանք։
Ներկայացրի խմբասենյակ-բաց լաբորատորիան՝ նկարների, ֆիլմերի հղումներն ուղարկելով, խմբին ավելացրեցին նաև կրթահամալիրի դաստիարակներին, եղավ անմիջական քննարկում, հարց-պատասխան, առաջարկներ։
Ներկայացրի դաստիարակների բլոգները, առաջարկեցի ունենալ նաև իրենցը։
Օրվա վերջում կգրեն փոքրիկ պատումներ հեռավար-առցանց վերապատրաստման կազմակերպման մասին։
Այսօր շփվեցինք ֆեյսբուքյան Messenger-ի տեսազանգի միջոցով։
Ավելացնեմ, որ հեռավար- առցանց ընտանեկան ուսուցմանը միացան նաև Արագածոտնի մարզից Նորաշենի «Վելիխան Մուքոյանի» անվան մանկապարտեզի ծնողները։
Ֆիլմերն ուղարկում են ինձ, ես մոնտաժում եմ և հրապարակում։ Վաղը կբացենք բլոգ և կսովորենք մոնտաժային ծրագրեր։
Ոգևորվածությունս մեծ է, քանի որ էլ ավելի հետաքրքիր և արդյունավետ է դառնում առցանց ուսուցումը։
Մարտի 18
Մարտի 18, չորեքշաբթի, ժամը՝ 14։00-նախադպրոցական դաստիարակների հեռավար-առցանց վերապատրաստման երրրորդ օր։ Նորից միացանք տեսազանգի միջոցով։ Այս անգամ ներկայացրի նախակրթարանի ծեսերի փաթեթը և «Բլեյան բաց ցանցը»։ Շատ ոգևորվեցին մեր ծեսերի փաթեթից, եղան հարց ու պատասխան։ Մեծ սպասումով ուզում են տեսնել կրթահամալիրը և իրենց մոտ կիրառել հեղինակային մանկավարժության ծրագրերը։
Մանկապարտեզում գործում է երկու խումբ՝3-4տարեկանների և 5տարեկանների, ամեն խմբում՝35երեխա և դայակ, դաստիարակ։ Ես առաջարկեցի, որ մեր խմբին միանան նաև նրանց վարիչը և մեթոդիստը։ Կփորձենք վաղը միասին կապ հաստատել։ Մեզ կմիանան նաև դաստիարակները, իսկ ես կփորձեմ նկարահանել և ներկայացնել այդ ամենը։ Խոսեցինք սննդի կազմակերպման, շրջակա միջավայրի, խնամքի, ամառային պարտեզի, լողափի մասին, ինչպես նաև ձմեռային, աշնանային նախագծերից, ներկայացրի կրթահամալիրի հրաշալիքները, ագարակը, լողավազանը, մարզասրահը, ջերմոց-լաբորատորիաները, կարի արտադրամասը, գինետունը, Վերնատունը։ Ամեն ինչից ոգևորվում և իրենց հիացմունքն էին արտահայտում։
Ուրբաթ օրը կգրեն պատում կրթահամալիրի և հեռավար-առցանց վերապատրաստման այս հինգ օրերի մասին։ Իրենք էլ ուղարկեցին իրենց ամենօրյա աշխատանքային պլան- տետրը, որը լրացնում են ամեն օր, և դա պետք է հաստատեն վարիչը և մեթոդիստը։Դրանից հետո միայն իրավունք կունենան խմբասենյակում կիրառել։
Մերրի Պետրոսյան.
Ես երկու օր է, ինչ մասնակցում եմ առցանց վերապատրաստման ծրագրին։ Շատ տպավորված եմ, շատ հաճելի է։ Նելի Արղությանը, որպես ծրագրի ղեկավար, շատ բանիմաց ու գիտակ մասնագետ է։ Ամբողջ օրվա ընթացքում մեզ այնքան նյութեր ու անհրաժեշտ տեղեկություններ է տրամադրում, որ թվում է, թե ես գտնվում եմ ձեր կրթահամալիրում ու ամեն ինչի ականատեսն եմ լինում։ Ձեր պարտեզում աշխատանքային գրաֆիկը, աշխատաոճը ու էլի շատ բաներ ակնհայտորեն տարբերվում են մեր (ու իմ իմացած բոլոր) պարտեզներից։ Շատ եմ հավանել ձեր կրթական ծրագրին ու աշխատաոճը։ Երեխաները, թվում է, ազատ խաղում ու անում են այն, ինչ ուզում են, բայց խորամանկ ու խելամիտ մասնագետների շնորհիվ, սովորում ու յուրացնում են պահանջվող նյութը։
Հայարփի Քերոբյան.
Սիրելի՛ Նելի, շատ շնորհակալություն առցանց վերապատրաստման ուսուցման համար։Դուք ամեն ինչ անում եք, որ մենք տեսնենք, թե Դուք ինչպես եք անցկացնում Ձեր առօրյա աշխատանքը երեխաների հետ։ Օրվա ցանկացած ժամի աշխատելով մեզ հետ՝ Դուք տալիս եք այն ամենը, ինչը մենք կտեսնեինք այդտեղ։ Ես մեծ բավականություն ստացա, և շատ հաճելի էր, որ ծանոթացա Ձեզ հետ

Մարտի 19-ին աշխատեցինք միայն նամակագրությամբ, որին մասնակցեցին նաև նախակրթարանի դաստիարակները, եղան, հարց-պատասխան, թեժ քննարկումներ: Ուրբաթ օրը վերապատրաստման վերջին օրն էր։ Գրեցին  պատում՝ ամփոփելով հնգօրյա առցանց-հեռավար վերապատրաստմանը, անրադառնալով հետևյալ հարցերին՝

  • Ինչպիսի՞ն է կրթահամալիրը ձեր պատկերացմամբ։
  • Նշեք, խնդրում եմ, «Մխիթար Սեբաստացի» կրթահամալիրի առավելությունները։
  • Հետաքրքրվա՞ծ եք հեղինակային մանկավարժական ծրագրով և կցանկանա՞ք միանալ ցանցին կամ համագործակցային ծրագրերով հանդես գալ ծեսերի ժամանակ։
  • Ի՞նչ կասեք հեռավար-առցանց ուսուցման առավելությունների, թերությունների մասին, արդյունավե՞տ եք համարում առցանց ուսուցման տարբերակով վերապատրաստումները։

Գրում է Մերրի Պետրոսյանը.

«Իմ պատկերացմամբ կրթահամալիրն իր դաստիարակման ու դասավանդման մեթոդներով ակնհայտ տարբերվում է իմ իմացած բոլոր պարտեզներից։ Բայց դրանից չեն տուժում ո՛չ երեխաների դաստիարակությունը, ո՛չ մտավոր ու ֆիզիկական ունակությունները։ Ավելին՝ երեխաների հետ աշխատող յուրաքանչյուր մանկավարժ երեխաների մեջ զարգացնում է անհատ լինելու, սեփական «ես»-ը ունենալու ու գնահատելու հմտությունները։ «Չի կարելի»-ներն ու սահմանափակումները խոչընդոտում են երեխա-դաստիարակ հարաբերությունները։ Սա մեծ խնդիր է, որը չունի «Մխիթար Սեբաստացի» կրթահամալիրը։ Շատ հետաքրքիր ու երեխայակենտրոն ծրագրեր ունեն։ Շատ տպավորված եմ։ Լավ կլիներ, եթե հանրապետության բոլոր կրթօջախներում կիրառվեին այն մեթոդներն ու ծրագրերը, որոնցով առաջնորդվում են այս կրթահամալիրում։ Ինձ համար նորություն էին ծեսերը, դրանց համար նախատեսված թեմաները, անցկացման կարգը։ Կուզենամ ներկա գտնվել որևէ ծեսի։ Կփորձեմ նաև ինքս կազմակերպել այդպիսի արարողություն իմ խմբի երեխաների հետ։ Շատ կուզեի, որ վերապատրաստման դասընթացները լինեին առկա։ Հենց տեղում ականատես լինեի կրթահամալիրի աշխատանքներին։ Համոզված եմ, որ շատ ավելի արդյունավետ ու բեղմնավոր կլիներ մեր համագործակցությունը։ Միևնույն ժամանակ մեր վերապատրաստման դասընթացների ղեկավար Նելի Արղությանը՝ որպես հրաշալի մարդ ու մասնագետ, մեզ ամբողջ օրվա ընթացքում ապահովում էր համապատասխան նյութերով ու հոլովակներով, այնպես որ ես ինձ լրիվ պատկերացնում էի համապատասխան միջավայրում։ Շատ սիրեցի ագարակը։ Այնտեղ ազատություն կար, մաքուր օդ, սիրելի կենդանիներ կային, դրանց սեփական ձեռքերով կերակրելու գերագույն հաճույք։ Կային խնոցի, թոնիր… Քաղաքում ապրող շատ երեխաներ, ցավոք, պատկերացում չունեն հայկական այդ իրողությունների ու գյուղական պարզ ու մաքուր առօրյայի մասին։ Ավելորդ չեմ համարում նշել, որ «Մխիթար Սեբաստացի» կրթահամալիրում պահպանվում են հայկական բոլոր ավանդույթները, դրանք ծեսերի միջոցով ծանոթացնում են երեխաներին ու ծնողներին։ Ծեսերից բացի մեծ ուշադրության է արժանանում մաքուր ու հայեցի երաժշտությունը։ Երեխաները լսում են անաղարտ ու հակաբացիլ Կոմիտաս»։

Թողնել պատասխան

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Փոխել )

Google photo

You are commenting using your Google account. Log Out /  Փոխել )

Twitter picture

You are commenting using your Twitter account. Log Out /  Փոխել )

Facebook photo

You are commenting using your Facebook account. Log Out /  Փոխել )

Connecting to %s